ការប្រជុំ និងព្រឹត្តិការណ៍

ស្ថិតនៅជាន់ទី ២ បន្ទប់ Broadcast Lounge គឺជាបន្ទប់ភាពឯកជន និងប្រណីត ស័ក្តិសមយ៉ាងល្អសម្រាប់ការទទួលភ្ញៀវកិត្តិយស និងភ្ញៀវលំដាប់ខ្ពស់​ ដែលមានបច្ចេកវិទ្យាទំនើបចុងក្រោយ បន្ទប់នេះជាជម្រើសដ៏ឧត្តមសម្រាប់កម្មវិធីលំដាប់ខ្ពស់ និងការជួបជុំថ្នាក់ដឹកនាំសំខាន់ៗ។

ស្ថិតនៅជាន់ទី ១០ បន្ទប់រេស៊ីដិន ដ៏ប្រណីតនិងវិសេសវិសាលដែលផ្តល់ជូននូវជម្រើសទាំងខាងក្នុង និងខាងក្រៅ ជាមួយទិដ្ឋភាពដ៏អស្ចារ្យនៃព្រះបរមរាជវាំង និងដងទន្លេមេគង្គ។ រេស៊ីដិន នៅជាន់ទី ១០​ ស័ក្តិសមសម្រាប់រៀបចំកម្មវិធីចម្រុះគ្រប់ប្រភេទ និងទេសភាពដ៏ស្រស់ត្រកាលនៃរាជធានីភ្នំពេញ។ ខាងក្នុង​ (Indoor) អាចទទួលភ្ញៀវបាន ៦០ នាក់ ខណៈដែលខាងក្រៅ (Outdoor) ទទួលភ្ញៀវបានរហូតដល់ ១០០ នាក់។

បន្ទប់ប្រជុំពហុមុខងារមានទាំងអស់ចំនួន ៩ ត្រូវបានរចនាឡើងយ៉ាងយកចិត្តទុកដាក់ ដើម្បីបំពេញតម្រូវការកម្មវិធីជាច្រើនប្រភេទ និងអាចទទួលភ្ញៀវបានរហូតដល់ ២០០ នាក់ ចាប់ពីការប្រជុំអាជីវកម្ម សិក្ខាសាលា រហូតដល់ការជួបជុំបែបសង្គម។ បន្ទប់ប្រជុំភាគច្រើនត្រូវបានបំភ្លឺដោយពន្លឺថ្ងៃធម្មជាតិ បង្កើតបាននូវបរិយាកាសភ្លឺថ្លា ស្រស់ស្រាយ។ បន្ទប់នីមួយៗត្រូវបានបំពាក់ដោយបច្ចេកវិទ្យាអូឌីយ៉ូ‑វីដេអូ ដ៏ទំនើប និងអាចភ្ជាប់បានយ៉ាងងាយស្រួលតាមរយៈខ្សែ HDMI ដើម្បីធានាបាននូវបទបង្ហាញ និងការទំនាក់ទំនងប្រកបដោយភាពរលូន និងប្រសិទ្ធភាពខ្ពស់បំផុត។

ទទួលយកបទពិសោធន៍ដ៏ប្រណីតនៅ The PoolHouse។ ស្ថិតនៅជាន់ទី ៣ ទីធ្លាសម្រាប់រៀបចំកម្មវិធីរបស់យើង ផ្តល់ជូននូវពន្លឺថ្ងៃធម្មជាតិ និងទិដ្ឋភាពអាងហែលទឹកដ៏ស្រស់ស្អាត បង្កើតបាននូវបរិយាកាសភ្លឺថ្លា និងទាក់ទាញ។​ The PoolHouse អាចទទួលភ្ញៀវបានរហូតដល់ ១២០ នាក់ ដែលស័ក្តិសមយ៉ាងល្អសម្រាប់កម្មវិធីពេលល្ងាច ការទទួលទានភេសជ្ជៈបែប Cocktail ការទទួលទានអាហារបែបឯកជន និងការប្រជុំផ្សេងៗ។ មិនថាជាកម្មវិធីក្រុមហ៊ុន ឬការជួបជុំបែបសង្គម The PoolHouse ផ្តល់នូវបរិយាកាសដ៏ទាន់សម័យ ស្និទ្ធស្នាល សម្រាប់គ្រប់ឱកាសទាំងអស់។

សាលប្រជុំ រីជិនស៊ី ធំទូលាយ និងប្រណីតបំផុតដែលអាចទទួលភ្ញៀវបានរហូតដល់ ៤៥០ នាក់ ស័ក្តិសមយ៉ាងល្អសម្រាប់ការប្រជុំ និងកម្មវិធីចម្រុះគ្រប់ប្រភេទ។ សាលនេះត្រូវបានបំពាក់ដោយបច្ចេកវិទ្យាអូឌីយ៉ូ‑វីដេអូដ៏ទំនើបចុងក្រោយ រួមទាំងអេក្រង់ LED ពណ៌ពេញកម្រិតច្បាស់ (Full‑Color) ទំហំ ៩.៥ ម៉ែត្រ x ៤ ម៉ែត្រ ដែលជួយបង្កើនភាពទាក់ទាញ និងឥទ្ធិពលដល់ការធ្វើបទបង្ហាញ ការបញ្ចាំងរូបភាព និងកម្មវិធីពិសេសៗរបស់លោកអ្នក។ ជាពិសេស សាលប្រជុំ រីជិនស៊ី អាចបែងចែកបានទៅជា ៣ ផ្នែកដាច់ដោយឡែក (ផ្នែក A, B និង C) ដែលផ្តល់នូវភាពបត់បែនខ្ពស់ និងអនុញ្ញាតឱ្យលោកអ្នករៀបចំកម្មវិធីបានសមស្របទៅតាមតម្រូវការជាក់លាក់នៃកម្មវិធីនីមួយៗ។

រៀបចំព្រឹត្តិការណ៍បន្ទាប់របស់អ្នកនៅទីតាំងដែលអ្នកពេញចិត្ត ឬរៀបចំព្រឹត្តិការណ៍បន្ទាប់របស់អ្នកនៅសារមន្ទីរជាតិកម្ពុជា ដែលជាទីតាំងដ៏មានឯកលក្ខណៈ និងសម្បូរទៅដោយមរតកវប្បធម៌ ជាមួយសេវាកម្មរៀបចំកម្មពិធី និងសេវារៀបចំម្ហូបអាហារ ពីសណ្ឋាគារ ហាយ៉ាត់ រីជិនស៊ី ភ្នំពេញ។ ដោយរួមបញ្ចូលភាពសម្បូរបែបនៃបេតិកភណ្ឌវប្បធម៌រាជធានីភ្នំពេញជាមួយនឹងបដិសណ្ឋារកិច្ចដ៏កក់ក្តៅ និងប្រកបដោយការយកចិត្តទុកដាក់របស់ Hyatt ទីតាំងដ៏ពិសេសនេះផ្តល់នូវបរិយាកាសដ៏ល្អឥតខ្ចោះសម្រាប់ពិធីទទួលភ្ញៀវអាជីវកម្ម កម្មវិធីបង្កើតបណ្តាញទំនាក់ទំនង ពិធីជប់លៀង និងការប្រារព្ធពិធីឯកជនផ្សេងៗ។ រាល់ កម្មវិធីទាំងអស់ត្រូវបានរៀបចំឡើងយ៉ាងយកចិត្តទុកដាក់ដោយក្រុមការងារជំនាញរបស់យើង និង ក្រោមការដឹកនាំរបស់មេចុងភៅ របស់ សណ្ឋាគារ ហាយ៉ាត់ រីជិនស៊ី ភ្នំពេញ។ មុខម្ហូបនីមួយៗត្រូវបានច្នៃប្រឌិតឡើងដោយផ្ដោតលើគុណភាព និង រសជាតិដ៏ល្អឯក ជាមួយគ្រឿងផ្សំស្រស់ដែលជ្រើសរើសពីប្រភពក្នុងស្រុក។ យើងខ្ញុំសូមអញ្ជើញភ្ញៀវកិត្តិយសមកទទួលយក បទពិសោធន៍ដ៏មានន័យ វប្បធម៌ជាប្រភពនៃការបំផុសគំនិត ការបង្កើន​ទំនាក់ទំនង និងរាល់ការជួបជុំក្លាយជាអនុស្សាវរីយ៍ដ៏គួរឱ្យចងចាំ។